یەکێک لەو گرفتانەی رووبەرووی دایک و باوکان دەبێتەوە لە کاتی ھەڵەکردنی منداڵەکانیان بە چ شێوەیەکی سزایان بدەن ، ئەمەش ھەرچەندە کارێکی ئاسان نییە ، بەڵام دەکرێت رەچاوی ھەندێکی رێنمایی بکەیت بۆ ئەوەی زیان بە پەروەردەی منداڵەکە نەگەینیت ، ئەمەش بە گرتنە بەری ئەم رێکارانە دەبێت .
١.لەمنداڵەکەت مەدە :
پێویستە لە لایەنی پەروەردەی رەچاوی ئەم خاڵە بکەیت کە لێدان چارەسەری کێشەکان ناکات بەڵکو بە پێچەوانەوە ھەندێک جار ئاڵۆزتری دەکات ، لەبەر ئەمە بۆ ئەوەی پەیوەندیت لەگەڵ منداڵەکەت تێک نەچێت پێویستە لێی نەدەیت و پەنا نەبەیتە بەر توندوتیژی چونکە کاریگەری خراپی لەسەر نێوانتان دروست دەکات .
جۆری سزاکەت ھەر چییەک بێت پێویستە ئەوە لەبەرچاو بگری کە سزادان بریتیە لە فێرکردنی منداڵ کە رەفتارێکی نارێکی ئەنجامداوە و پێویستە چاکی بکاتەوە یا دووبارەی نەکاتەوە .
٢. سزادانی لۆژیکی :
لەکاتی ھەڵەکردن ئاساییە سزای منداڵەکەت بدەیت ، بەڵام دەبێت بزانی چ جۆرە سزایەکی دەدەیت و لەبەر چی ئەو سزایەی دەدەیت ، بۆنموونە ئەگەر یارییەکی شکاند ، پێویستە لەسەرت ئەو یارییەی بۆ نەکڕێتەوە و ھەروەھا بێ بەشی بکەیت بۆ ماوەیەک لە یاریکردن بۆ ئەوەی بزانێـت کارێکی ھەڵەی ئەنجامداوە .
٣. بێ بەشی بکە لە ھەندێک شت :
لەکاتی ھەڵەکردن دەکرێت منداڵەکەت بێ بەش بکەیت لە ھەندێک شتی کاتبەسەربردن ، بۆ نموونە دەکرێت سزاکەی بریتی بێت لە بێ بەش کردنی لە سەیرکردنی تەلەفزیۆن ، یاخود بێ بەش کردنی لە ھەندێک یاری ، بەمەش منداڵەکە جارێکی دیکە ھەڵە دووبارە ناکاتەوە .
٤. دانیشاندنی لە شوێنێک بۆ ماوەیەکی دیاریکراو :
یەکێک لەو سزایانە دەکرێت دایکان و باوکان پەنای بۆ ببەن ئەوەیە کە دەکرێت منداڵەکە لە شوێنێکی دیاریکراو دانیشنێیت وەک سزایەک لەبەرامبەر کارێکی ھەڵە کە ئەنجامی داوە ، بۆ نموونە کاتێک خواردنی فڕێداوە و یا کارێکی دیکە ھەڵەی ئەنجامداوە ، بەم شێوەیە دەتوانی بۆ ماوەیەکی دیاریکراو لە شوێنەکەی دابنێی و قسەی لەگەڵ نەکەی بۆ ئەوەی ھەست بە ھەڵەی خۆی بکات.
سەرچاوە | الموضوع