ماسولکەی دڵ کرۆکی بنەڕەتی سیستەمی کاری دڵە و ھەر تێکچوونێک لەم ماسولکەیە دەبێتە ھۆی تێکچوونی سیستەمەکە ، کاتێک ماسولکەی دڵ کێشەی دەبێت ناتوانێت ئەرکەکانی جێ بەجێ بکات و ناتوانێت پێداویستیەکانی لەش دابین بکات ، کاتێک ماسولکەی دڵ نەخۆش دەکەوێت ئەوا رەقتر دەبێت و گەورەتر و ئەستوورتر دەبێت.
دڵ پاڵنەرێکی ماسولکەیی کارەباییە و خوێن دەنێرێتە بەشەکانی دیکەی لەش .
نیشانەکانی لاوازی ماسولکەی دڵ :
لە قۆناغی سەرەتای نەخۆشییەکە لەوانەیە نەخۆشەکە ھەست بەھەندێک نیشانەی نەخۆشییەکە نەکات ، بەڵام لەگەڵ گەشەسەندنی نەخۆشییەکە نیشانەکان قۆناغ قۆناغ بەدەردەکەون و تێکچوونی ماسولکەی دڵ دەبێتە ھۆی دەرکەوتنی ھەندێک نیشانە لەوانەش :
• تووشبوون بە تەنگە نەفەسی و لەگەڵ ماندوو بوون ھەندێک جار لە کاتی پشوش ھەر ماندووی .
• ئەستووربوونی قاچەکان .
• تووشبوون بە کۆخەی شەوان و تەنگە نەفەسی ، ھەندێک جار نەخۆشەکە بەھۆی تەنگە نەفەسی لەخەو ھەڵدەستێت .
• ھەست کردن بە ئازار لە سینگ .
• سیستەمی لێدانی دڵ تێکدەچێت و ھەست بە دڵە راوکێ دەکات .
• بەردەوام ماندوو و بێ تاقەت دەبێت .
• بوونی سەرئێشەی بەردەوام و لەھۆش خۆ چوون .
•ھەندێک کەش لەوانەیە تووشی ئەم نەخۆشییە دەبن، پاڵەپەستۆی خوێنیان بەرز دەبێتەوە و کۆخەی بەردەوامیان دەبێت لەگەڵ ئارەزوو نەکردن بۆ خواردن و کێشەی میزکردنیان بۆ دروست دەبێت .
ئەگەر ئەم نیشانانە لەسەرەتا چارەسەر نەکرا ئەوا بێگومان حاڵەتەکە خراپتر دەبێت .
ھۆکارەکانی لاوازی و تێکچوونی ماسولکەی دڵ
لە زۆربەی جارەکانی لاوازی ماسولکەی دڵ شتێکی روون نییە ، بەڵام ھەندێک جار پزیشکەکان دەتوانن حاڵەتەکە دیاری بکەن ، بەڵام لە کەسێکەوە بۆ کەسێکی دیکە جیاوازە ، گرنگترین ھۆکارەکانی ئەم حاڵەتەش بریتین لە :
• ھۆکار بۆماوەی وراسی .
• تووشبوون بە بەرزبوونەوەی پاڵەپەستۆی خوێن .
• برینداربوونی خانەکانی دڵ کە بەھۆی زەبحەی سینگ دروست دەبێت .
• خێرابوونی لێدانی دڵ کە ھەندێک جار بارێکی جێگیرە.
• دروست بوونی کێشە لە سەمامەی دڵ .
• قەڵەوی زۆر و کێشیە غودەکان و نەخۆشی شەکرە، ھۆکارن بۆ ئەم حاڵەتە .
• کەمی خۆراکە سەرەکییەکان وەک کانزاکان و ڤیتامینەکان وەک ڤیتامین بی ١ .
• ئەمە لەلای ئافرەتان ھەندێک جار بە ھۆی کاریگەری دووگیان بوون دەبێت .
• خواردنەوە مادە کھولییەکان بۆ ماوەی زۆر .
• بەکارھێنانی مادەی ھۆشبەر وەک کۆکایین .
• ھەندێک ئاوسان کە کاریگەری لەسەر دڵ ھەیە .
•کەڵەکەبوونی ئاسن لەنێو ماسولکەی دڵ .
•ھەندێک نەخۆشی زگماک کە کاریگەری لەسەر پرۆتینات ھەیە .
•تووشبوونی خانەکانی لەش بە ھەندێک نەخۆشی .
تێکچوونی ماسولکەکانی دڵ چەند جۆرێکی ھەیە لەوانەش : تێکچوونی ماسولکەی دڵی فراوان ، تێکچوونی ماسولکەی دڵ پفدراو ، تێکچوونی ماسولکەی دڵی بەستراو .
چۆنیەتی چارەسەرکردنی تێکچوونی ماسولکەی دڵ
ھەموو ئەوانەی تووشی تێکچوونی ماسولکەی دڵ دەبن مەرج نییە پێویستیان بە چارەسەر ھەبێت ، چونکە لەوانەیە نیشانەکانیان لەلا دروست نەبێت ، چونکە ھەندێک جار ئەم حاڵەتە لەناکاو دروست دەبێت و دواتر نامێنێت ، بەڵام بەشێکی زۆری پێویستی بەچارەسەر دەبێت ، ئەمەش لە سەر حاڵەتەکە و تەمەنی نەخۆشەکە دەوەستێت .
ئامانجی سەرەکی لە چارەسەرکردنی ئەم حاڵەتە بریتیە لە :
• چارەسەرکردنی ھۆکاری نەخۆشیەکە یا ھاندەری نەخۆشییەکە .
• رێگری کردن لە تەشەنەکردنی نەخۆشیەکە بۆ ئەوەی نەخۆشەکە بە ئاسایی بژیت .
• رێگری کردن لە گەشەکردنی نەخۆشییەکە .
• کەمکردنەوەی ئاسەواری ئەم نەخۆشییە و رێگری کردن لە راوەستانی دڵ .
• بەکارھێنانی دەرمانی پێویست بۆ ئەم دۆخە.
• گۆڕینی شێوازی ژیان بۆ ئەوەی کاریگەری لەسەر نەخۆشییەکە نەبێت .
• پەنابردن بۆ نەشتەرگەری لەکاتی پێویست و دانانی ئامێری دڵ .
سەرچاوە | الموضوع