بەشێک لە ژیانی عەلی بۆسکانی | 17/02/2018
ماموستا یاسین احمد - وه‌رگێری ماڵپه‌ر
عەلی بۆسکانی (١٩٣٣ - ١٩٩٣)
عەلی کوڕی حاجی عەبدوڵا بۆسکانی لە ساڵی ١٩٣٣ لە شاری سلێمانی لە دایک بووە، کەسایەتیەکی خێرخوازی شاری سلێمانی بووە و بەردەوام یارمەتی ھەژاران و لێقەوماوانی داوە و بەشێک لە داھاتی مانگانەی خۆی بۆ ھەندێک خێزانی ھەژار تەرخان کردوە .
ئەم کارەی کاک عەلی بەنھێنی بوو و ھەوڵیدەدا کەس بەکارە خێرخوازییەکانی نەزانێت .
لەساڵی ١٩٨٨ قوتابخانەیەکی لە گەڕەکی بەختیاری شاری سلێمانی لەسەر ئەرکی خۆی دروست کردوە .
کاک عەلی بۆسکانی یارمەتی زیاتر لە ٢٠ نوسەری داوە لە چاپکردنی کتێبەکانیان، بەتایبەتی ئەوانەی توانای مادیان لاواز بوو و نەیاندەتوانی لەسەر ئەرکی خۆیان کتێبەکان چاپ بکەن .
کاک عەلی بۆسکانی یارمەتی ئەو قوتابیانەی دەدا کە توانای داراییان لاواز بووە و ساڵانە بڕێک پارەی پێدەدان و جلوبەرگی بۆ دەکڕین.
کاک عەلی بۆسکانی لە ساڵی ١٩٩٣ لە شاری سلێمانی لەسەر دەستی کەسێکی نەناسراو کوژرا .
3348 بینین
|