چەند ئامۆژگارییەک بۆ کەمکردنەوەی ئارەقەی بن ھەنگڵ
ماموستا یاسین احمد - وه‌رگێری ماڵپه‌ر
یەکێک لەو گرفتانەی تووشی مرۆڤ دەبێتەوە لە وەرزی ھاوین زۆر ئارەقەکردنە و بەتایبەتی ئارەقەکردنی بن ھەنگڵ چونکە ھەم بۆنی ناخۆشە و ھەمیش جلەکانی زەرد دەکات ، لەم بابەتە چەند ئامۆژگاریەکتان بۆ دەخەینە روو بۆ کەمکردنەوەی ئەم حاڵەتە .
• خۆت بە دوور بگرە لەو قوماشانە کە قورسن و دەبنە ھۆی زیاد بوونی ئارەقەکردن، لە بڕی ئەمە ھەوڵبدە ئەو جۆر جلانە بپۆشی کە لە لۆکە دروست کراون چونکە سووکترن .
• رۆژانە بە سابونێک خۆت بشۆ کە دژە بەکتریا بێت ، بۆ ئەوەی بۆنە ناخۆشەکەی بن ھەنگڵ لەناو ببەیت ، دوای خۆ شووشتنیش ئەو بۆنانانە (موعەتەر) بەکار بێنە کە بن ھەنگڵ بۆن خۆش دەکات.
• (بەتانەی تایبەت ھەیە بە بن ھەنگڵ) ھەوڵبدە بە دەستیان بێنی و لە بن ھەنگڵتی دابنێ بۆ ئەوەی ئارەقەکە بمژێت و جلەکانت لە زەردبوون بپارێزێت.
•خۆت بە دوور بگرە لەو خۆراکانەی کە مادەی کیمیاوی زۆری تێدایە و ئەو خۆراکانەی زۆر لەناو قووتوو دادەندرێن ، چونکە دەبنە ھۆی زۆر ئارەقەکردن و کێشەی قەڵەویت بۆ زیاد دەکات ، لەبەر ئەمە خۆت بە دوور بگرە لە خوارنی سوورکراوە و بەستوو ، لە بڕی ئەمانە میوە زۆر بخۆ لەگەڵ سەوزەوات و ماسی و گۆشتی فرێش.
سەرچاوە | الموضوع
|
« ته‌واوی بابه‌ته پزیشكیه‌كان ئامۆژگاری گشتین، بۆ وه‌رگرتنی چاره‌سه‌ری گونجاو سه‌ردانی پزیشك بكه! »
|
« مافی بڵاوکردنه‌وه‌ی ئه‌م بابه‌ته بۆ کوردزۆن پارێزراوه »
|